ಮತ್ತೆ ಮೋಡಿ ಮಾಡಲು ಬಂದ ಸಲ್ಮಾನ್ ಖಾನ್- ಟೈಗರ್ -3 ಟೀಸರ್ ಏನು ಹೇಳುತ್ತೆ?
ಟೈಗರ್ -3 ಟೀಸರ್ ರಿಲೀಸ್, ಪ್ರೇಕ್ಷರಲ್ಲಿ ಹೆಚ್ಚಿತು ನಿರೀಕ್ಷೆ
ಸಲ್ಮಾನ್ ಖಾನ್ ಮತ್ತೊಮ್ಮೆ ತನ್ನ ಮಾಜಿ ಗೆಳತಿ ಕತ್ರಿನಾ ಕೈಫ್ ಜೊತೆಗೆ ಆಕ್ಷನ್ ಚಿತ್ರ ಟೈಗರ್ -3 ಮೂಲಕ ತೆರೆ ಮೇಲೆ ಬರಲು ರೆಡಿಯಾಗಿದ್ದಾರೆ. ಮನೀಶ್ ಶರ್ಮಾ ನಿರ್ದೇಶನದ ಸಿನಿಮಾ ದೀಪಾವಳಿಯಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಇದೆ.
ಇದರ ನಡುವೆ ಇದೀಗ ಚಿತ್ರ ನಿರ್ಮಾಪಕರು ಸೆಪ್ಟೆಂಬರ್ 27ರಂದು ಸಲ್ಮಾನ್ ಅಭಿಮಾನಿಗಳಿಗೆ ಸರ್ಪ್ರೈಸ್ ಕೊಟ್ಟಿದ್ದಾರೆ. ಇಂದು ಚಿತ್ರದ ಟೀಸರ್ ಬಿಡುಗಡೆಮಾಡುವ ಮೂಲಕ ಚಿತ್ರದ ಕುರಿತಂತೆ ಇದ್ದ ಕುತೂಹಲಕ್ಕೆ ಇನ್ನಷ್ಟು ಬಣ್ಣ ತುಂಬಿದ್ದಾರೆ.
ಯಶ್ ರಾಜ್ ಫಿಲ್ಮ್ಸ್ ಇಂದು ಟೈಗರ್ ಕಾ ಮೆಸೇಜ್ ಎಂಬ ಟೈಟಲ್ ನಡಿ ಬಿಡುಗಡೆ ಮಾಡಿರುವ ಟೀಸರ್ ಉತ್ಸಾಹವನ್ನು ಹೆಚ್ಚಿಸಿದ್ದು, ಫ್ಯಾನ್ಸ್ ಟೀಸರ್ ಗೆ ಫೀದಾ ಆಗಿದ್ದಾರೆ. ಚಿತ್ರದ ಟ್ರೈಲರ್ ಸದ್ಯದಲ್ಲೇ ಬಿಡುಗಡೆಯಾಗುವ ನಿರೀಕ್ಷೆಯನ್ನು ಈ ಟೀಸರ್ ಹುಟ್ಟು ಹಾಕಿದೆ.
ಟೈಗರ್ ಕಾ ಮೆಸೇಜ್ , ಸಲ್ಮಾನ್ ಖಾನ್ ಈ ಚಿತ್ರದಲ್ಲಿ ಮತ್ತೆ ನಿಗೂಢ ಏಜೆಂಟ್ ಪಾತ್ರದಲ್ಲೇ ಕಾಣಿಸಿಕೊಂಡಿದ್ದಾರೆ. ಒಂದು
ನಿಮಿಷ 46 ಸೆಕೆಂಡ್ ನ ಈ ವಿಡಿಯೋ ಕ್ಲಿಪ್ ಕುತೂಹಲವನ್ನುಂಟು ಮಾಡಿದ್ದು, ಮೂರನೇ ಬಾರಿಗೆ ಸಲ್ಮಾನ್ ಟೈಗರ್ ಆಗಿ ತೆರೆಮೇಲೆ ಕಾಣಿಸಿಕೊಂಡಿದ್ದಾರೆ. ಕ್ಲಿಪ್‌ನಲ್ಲಿ ಸಲ್ಮಾನ್‌ರನ್ನು ರಾ ಏಜೆಂಟ್ ಅವಿನಾಶ್ ಸಿಂಗ್ ರಾಥೋಡ್ ಎಂದು ತೋರಿಸಲಾಗಿದೆ ಮತ್ತು ಮಾಧ್ಯಮಗಳಲ್ಲಿ ಅವರನ್ನು ದೇಶದ್ರೋಹಿ ಎಂದು ಟ್ಯಾಗ್ ಮಾಡಲಾಗುತ್ತಿರುವ ದೃಶ್ಯ ಮತ್ತು ಮಾಧ್ಯಮಗಳು ಅವರ ಇಮೇಜ್ ಅನ್ನು ಹೇಗೆ ಹಾಳು ಮಾಡುತ್ತಿದೆ ಎಂಬುದನ್ನು ಮಾತನಾಡುತ್ತಿರುವ ದೃಶ್ಯವನ್ನು ನೋಡಬಹುದಾಗಿದೆ. . ಕೊನೆಗೆ ‘ಜಬ್ ಟೇಕ್ ಟೈಗರ್ ಮಾರಾ ನಹೀ, ಟ್ಯಾಬ್ ಟೇಕ್ ಟೈಗರ್ ಹರಾ ನಹೀ’ ಎಂಬ ಡೈಲಾಗ್ ನಿಮಗೆ ಗೂಸಾ ಕೊಡುವುದು ಖಚಿತ. ಸಲ್ಮಾನ್‌ನ ನಿಗೂಢ ಸಂದೇಶವನ್ನು ಹೊರತುಪಡಿಸಿ, ಆಕ್ಷನ್ ಸೀಕ್ವೆನ್ಸ್‌ಗಳು 100 ಪರ್ಸೆಂಟ್ ಪ್ರೇಕ್ಷಕನಿಗೆ ರಸದೌತಣ ಉಣ ಬಡಿಸಲಿದೆ.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ