ಗಾನಕೋಗಿಲೆ ಎಸ್ ಜಾನಕಿ ನಡೆದು ಬಂದ ಹಾದಿಯ ಕಥೆ

 ಗಾನಕೋಗಿಲೆ ಎಸ್ ಜಾನಕಿ ನಡೆದು ಬಂದ ಹಾದಿಯ ಕಥೆ

Ganakogile is the story of S. Janaki journey

ಸಿಸ್ಟ್ಲಾ ಜಾನಕಿ. ತಮ್ಮ ಕಂಠಸಿರಿಯಿಂದಲೇ ಜನಮಾನಸದಲ್ಲಿ ನೆಲೆಯಾಗಿರುವ ಈ ಗಾನಕೋಗಿಲೆ 1938ರ ಏಪ್ರೀಲ್ 23ರಂದು ಜನಿಸಿದರು.

ಜಾನಕಿ ಅವರು ಬ್ರಿಟೀಷ್ ಇಂಡಿಯಾದ (ಈಗ ಆಂಧ್ರಪ್ರದೇಶದಲ್ಲಿದೆ) ಗುಂಟೂರಿನ ಮದ್ರಾಸ್ ಪ್ರೆಸಿಡೆನ್ಸಿಯ ಗುಂಟೂರಿನಲ್ಲಿ ರೆಪಲ್ಲೆ ತಾಲೂಕಿನ ಪಲ್ಲಪಟ್ಲದಲ್ಲಿ ಏಪ್ರಿಲ್ 23 ರಂದು ಜನಿಸಿದರು. ಆಕೆಯ ತಂದೆ ಶ್ರೀರಾಮಮೂರ್ತಿ ಸಿಸ್ಲಾ ಆಯುರ್ವೇದ ವೈದ್ಯರು ಮತ್ತು ಶಿಕ್ಷಕರಾಗಿದ್ದರು.ಜಾನಕಿಯಮ್ಮನರು ತಮ್ಮ ಬಾಲ್ಯದ ಬಹುಪಾಲು ಸಿರ್ಸಿಲ್ಲಾದಲ್ಲಿ ಕಳೆದರು. ತಮ್ಮ 9ನೇ ವಯಸ್ಸಿಗೆ ವೇದಿಕೆಯಲ್ಲಿ ಹಾಡುವ ಅವಕಾಶವನ್ನು ಪಡೆದುಕೊಂಡರು.

 ನಾದಸ್ವರಂ ವಿದ್ವಾನ್ ಪೈಡಿಸ್ವಾಮಿಯವರ ಮೂಲಕ ಸಂಗೀತದ ಮೂಲಭೂತ ಅಂಶಗಳನ್ನು ಕಲಿತರು. ವಿಶೇಷವೆಂದರೆ ಜಾನಕಿಯವರು ಶಾಸ್ತ್ರೀಯ ಸಂಗೀತದಲ್ಲಿ ಯಾವುದೇ ಔಪಚಾರಿಕ ತರಬೇತಿಯನ್ನು ಪಡೆದಿಲ್ಲ.

 

ಜಾನಕಿ 1959 ರಲ್ಲಿ ವಿ. ರಾಮಪ್ರಸಾದ್ ಅವರನ್ನು ವಿವಾಹವಾದರು. ಕ್ರೂರವಿಧಿಯ ಅಟ್ಟಹಾಸಕ್ಕೆ 1997ರಲ್ಲಿ ಅವರ ಪತಿ ನಿಧನರಾದರು. ಅವರ ಏಕೈಕ ಪುತ್ರ ಮುರಳಿ ಕೃಷ್ಣ ಹೈದರಾಬಾದ್‌ನಲ್ಲಿ ನೆಲೆಸಿದ್ದಾರೆ ಮತ್ತು ಅವರ ಪತ್ನಿ ಉಮಾ ಮುರಳಿಕೃಷ್ಣ ಭರತನಾಟ್ಯ ಮತ್ತು ಕೂಚಿಪುಡಿ ನೃತ್ಯಗಾರ್ತಿ.

 

ಜಾನಕಿ ಅವರು 5 ಭಾರತೀಯ ಭಾಷೆಗಳಲ್ಲಿ ನಿರರ್ಗಳವಾಗಿ ಮಾತನಾಡಬಲ್ಲರು ಮತ್ತು ಬರೆಯಬಲ್ಲರು. ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿಯನ್ನು ಮಾತನಾಡಲಬಲ್ಲರು ಬರೆಯಬಲ್ಲರು.

 

ಜಾನಕಿ ಅಮ್ಮ ಎಂದೇ ಪ್ರಸಿದ್ಧರಾಗಿರುವ ಇವರನ್ನು ದಕ್ಷಿಣ ಭಾರತದ ಗಾನಕೋಗಿಲೆ ಎಂದೇ ಕರೆಯಲಾಗುತ್ತದೆ. ತಮಿಳುನಾಡಿನಲ್ಲಿ 'ಇಸೈಕ್ಕುಯಿಲ್' ಎಂದು ಕರೆಯಲಾಗುತ್ತದೆ. ಜಾನಕಮ್ಮನರು  ಚಲನಚಿತ್ರಗಳು, ಆಲ್ಬಮ್‌ಗಳು, ಟಿವಿ ಮತ್ತು ರೇಡಿಯೊಗಳಿಗಾಗಿ  48,000 ಕ್ಕೂ ಹೆಚ್ಚು ಹಾಡುಗಳನ್ನು ರೆಕಾರ್ಡ್ ಮಾಡಿದ್ದಾರೆ. ಕನ್ನಡ, ಮಲಯಾಳಂ, ತೆಲುಗು, ತಮಿಳು, ಹಿಂದಿ, ಸಂಸ್ಕೃತ, ಒಡಿಯಾ, ತುಳು, ಉರ್ದು, ಪಂಜಾಬಿ, ಬಡಗ, ಬೆಂಗಾಲಿ, ಕೊಂಕಣಿ ಸೇರಿದಂತೆ 17 ಭಾಷೆಗಳಲ್ಲಿ ಸೋಲೋಗಳು, ಯುಗಳಗೀತೆಗಳು, ಕೋರಸ್ ಮತ್ತು ಶೀರ್ಷಿಕೆ ಹಾಡುಗಳು ಮತ್ತು ಇಂಗ್ಲಿಷ್, ಜಪಾನೀಸ್, ಜರ್ಮನ್ ಮುಂತಾದ ವಿದೇಶಿ ಭಾಷೆಗಳಲ್ಲೂ ಹಾಡಿದ್ದಾರೆ. ಆದಾಗ್ಯೂ ಆಕೆಯ ವೃತ್ತಿಜೀವನದಲ್ಲಿ ಅತ್ಯಧಿಕ ಸಂಖ್ಯೆಯ ಹಾಡುಗಳು ಮಲಯಾಳಂ ಹಾಗೂ ಕನ್ನಡದಲ್ಲಿದೆ.

 1957 ರಲ್ಲಿ ತಮಿಳು ಚಲನಚಿತ್ರ ವಿಧಿಯಿನ್ ವಿಲಾಯಟ್ಟು ಚಿತ್ರದ ಮೂಲಕವೃತ್ತಿಜೀವನ ಆರಂಭಿಸಿದ ಆಕೆ, ಬಳಿಕ ತಿರುಗಿ ನೋಡಿಯೇ ಇಲ್ಲ. ಇವರ ಕಂಠಸಿರಿಗೆ ಮನಸೋಲದವರೆ ಇಲ್ಲ. ಚಿಕ್ಕ ಮಕ್ಕಳಂತೆ ಅವರು ಹಾಡುವ ಮೋಡಿ ಎಲ್ಲರನ್ನೂ ಮೂಕವಿಸ್ಮಿತರನ್ನಾಗಿಸುತ್ತದೆ.

ಅವರು ನಾಲ್ಕು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು ಮತ್ತು 33 ವಿವಿಧ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ. ಮೈಸೂರು ವಿಶ್ವವಿದ್ಯಾನಿಲಯದಿಂದ ಗೌರವ ಡಾಕ್ಟರೇಟ್, ತಮಿಳುನಾಡು ಸರ್ಕಾರದಿಂದ ಕಲೈಮಾಮಣಿ ಪ್ರಶಸ್ತಿ ಮತ್ತು ಕರ್ನಾಟಕ ಸರ್ಕಾರದಿಂದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಯನ್ನು ಅವರು ಬಾಜಿಕೊಂಡಿದ್ದಾರೆ.

 

 2013 ರಲ್ಲಿ ಬಂದ ಪದ್ಮಭೂಷಣವನ್ನುಪುರಸ್ಕಾರವನ್ನು ಅವರು ತಿರಸ್ಕರಿಸಿದರು. ತಮ್ಮ ಪ್ರತಿಭೆಯನ್ನು ನಿಧಾನವಾಗಿ ಗುರುತಿಸಿದ್ದಕ್ಕಾಗಿ ಅವರು ಪ್ರಶಸ್ತಿಯನ್ನು ಸ್ವೀಕರಿಸಲು ನಿರಾಕರಿಸಿದರು.

ಗಾಯಕ S. P. ಬಾಲಸುಬ್ರಹ್ಮಣ್ಯಂ ಮತ್ತು ಸಂಯೋಜಕ ಇಳಯರಾಜ ಅವರೊಂದಿಗಿನ ಅವರ ಒಡನಾಟವು  ಅತ್ಯುತ್ತಮವಾಗಿತ್ತು.  1960, 1970 ಮತ್ತು 1980 ರ ದಶಕಗಳಲ್ಲಿ P. B. ಶ್ರೀನಿವಾಸ್, S. P. ಬಾಲಸುಬ್ರಹ್ಮಣ್ಯಂ, K. J. ಯೇಸುದಾಸ್, P. ಜಯಚಂದ್ರನ್ ಮತ್ತು Dr. ರಾಜ್‌ಕುಮಾರ್ ಅವರೊಂದಿಗಿನ ಅವರ ಯುಗಳ ಗೀತೆಗಳು ದಕ್ಷಿಣ ಭಾರತದ ಎಲ್ಲಾ ಭಾಷೆಗಳಲ್ಲಿ ಅಗ್ರಸ್ಥಾನದಲ್ಲಿದ್ದವು.

ಅವರು ಬಹುತೇಕ ಎಲ್ಲಾ ಪ್ರಕಾರದ ಹಾಡುಗಳಲ್ಲಿ ಹಾಡಿದ್ದಾರೆ ಮತ್ತು ಜಗತ್ತಿನಾದ್ಯಂತ 5000 ಕ್ಕೂ ಹೆಚ್ಚು ಸಂಗೀತ ಕಚೇರಿಗಳಲ್ಲಿ ವೇದಿಕೆಗಳಲ್ಲಿ ನೇರ ಪ್ರದರ್ಶನ ನೀಡಿದ್ದಾರೆ. ತನ್ನ ವೃತ್ತಿಜೀವನದ ಮೊದಲ ವರ್ಷದಲ್ಲಿ ನಾಲ್ಕು ದಕ್ಷಿಣ ಭಾರತದ ಭಾಷೆಗಳಲ್ಲಿ (ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ) 100 ಹಾಡುಗಳನ್ನು ಹಾಡಿರುವ ಏಕೈಕ ಗಾಯಕಿ ಜಾನಕಿಯಮ್ಮ. ಅಕ್ಟೋಬರ್ 2016 ರಲ್ಲಿ, ಜಾನಕಿ ಅವರು ಚಲನಚಿತ್ರಗಳಿಗೆ ಹಾಡುವುದರಿಂದ ನಿವೃತ್ತಿ ಘೋಷಿಸಿದರು. ಆದಾಗ್ಯೂ, ಚಲನಚಿತ್ರ ಬಂಧುಬಳಗದ ಒತ್ತಡದಲ್ಲಿ, ಅವರು 2018 ರಲ್ಲಿ ತಮಿಳು ಚಿತ್ರ ಪನ್ನಾಡಿಗಾಗಿ ಹಾಡಿದರು.