ತಮ್ಮ ಕುಟುಂಬದ ಮೂಲ ಹುಡುಕಲು ಹೊರಟ್ರಾ ಶಿವಣ್ಣ? ಕಾರಣವೇನು?

 ತಮ್ಮ ಕುಟುಂಬದ ಮೂಲ ಹುಡುಕುತ್ತಾ ಹೊರಟ ಶಿವರಾಜ್ ಕುಮಾರ್...!

ಸೆಂಚೂರಿ ಸ್ಟಾರ್ ಶಿವರಾಜ್ ಕುಮಾರ್.. ವಯಸ್ಸು ಹೆಚ್ಚಾಗುತ್ತಿದ್ದರೂ, ಖದರ್, ಲುಕ್, ತೆರೆ ಮೇಲಿನ ಎನರ್ಜಿ ಎಲ್ಲವೂ ನವಯುವಕರನ್ನು ನಾಚಿಸುವಂತಿದೆ. ಅಷ್ಟೇ ಅಲ್ಲದೆ ಅವರ ಡಿಮ್ಯಾಂಡ್ ಕನ್ನಡ ಮಾತ್ರವಲ್ಲ ಇದೀಗ ಪರಭಾಷೆಯಲ್ಲೂ ಹೆಚ್ಚುತ್ತಿದೆ. ಇತ್ತೀಚೆಗೆ ತೆರೆ ಕಂಡ ಜೈಲರ್ ಸಿನಿಮಾದಲ್ಲಿನ ಶಿವಣ್ಣ ನಟನೆಯಂತೂ ಅವರ ಫ್ಯಾನ್ ಫಾಲೋವರ್ಸ್ ಗಳ ಸಂಖ್ಯೆಯನ್ನು ಹೆಚ್ಚಾಗಿದೆ. ಈ ನಡುವೆ ಶಿವಣ್ಣ ನಟಿಸಿರುವ ಪೋಸ್ಟ್ ಚಿತ್ರ ಕೂಡ ರಿಲೀಸ್ ಗೆ ರೆಡಿಯಾಗುತ್ತಿದೆ. ಶ್ರೀನಿ ನಿರ್ದೇಶನದ ಈ ಆಕ್ಷನ್ ಎಂಟರ್‌ಟೈನರ್ ಸಿನಿಮಾ ಭಾರೀ ನಿರೀಕ್ಷೆ ಹುಟ್ಟುಹಾಕಿದೆ 

ಈ ನಡುವೆ ಮೋಸ್ಟ್ ಟಾಕ್ ನಲ್ಲಿರುವ ಚಿತ್ರ ಅಂದರೆ ಜೈಲರ್, ರಜನಿಕಾಂತ್ ನಟನೆಯ 'ಜೈಲರ್' ಚಿತ್ರದಲ್ಲಿ ನರಸಿಂಹನಾಗಿ ಶಿವಣ್ಣ ಅಬ್ಬರಿಸಿದ ಪರಿಯನ್ನು ಜನ ಕೊಂಡಾಡುತ್ತಿದ್ದಾರೆ. ಪರಭಾಷಾ ಪ್ರೇಕ್ಷಕರು ಕೂಡ ಶಿವಣ್ಣ ಸ್ಕ್ರೀನ್‌ ಪ್ರಸೆನ್ಸ್ ನೋಡಿ ದಂಗಾಗಿದ್ದಾರೆ. ಥಿಯೇಟರ್‌ಗಳಲ್ಲಿ ಶಿಳ್ಳೆ ಚಪ್ಪಾಳೆ ಹೊಡೆದು ಸಂಭ್ರಮಿಸಿದ್ದಾರೆ. ಜೈಲರ್ ರಿಲೀಸ್ ಆದ ಬಳಿಕ ಇದೀಗ ಪರಭಾಷಿಗರು ಕೂಡ ಶಿವಣ್ಣ ಅಭಿಮಾನಿಗಳಾಗಿದ್ದಾರೆ. ಅವರ ಸಿನಿಮಾಗಳನ್ನು ನೋಡಲು ಜನ ಮುಗಿಬಿದ್ದಿದ್ದಾರೆ.  ಸೋಶಿಯಲ್ ಮೀಡಿಯಾದಲ್ಲಿ ಶಿವಣ್ಣನ ಹಿಟ್ ಸಿನಿಮಾಗಳ ಪಟ್ಟಿ ಕೊಡಿ. ಯಾವ ಸಿನಿಮಾಗಳನ್ನು ನೋಡಲೇಬೇಕು ಹೇಳಿ ಎಂದು ಪರಭಾಷಾ ಪ್ರೇಕ್ಷಕರು ಕೇಳಲು ಆರಂಭಿಸಿದ್ದಾರೆ. 

ಇದರ ನಡುವೆ ತೆಲುಗು, ತಮಿಳು ನಿರ್ದೇಶಕರು ಕೂಡ ಶಿವಣ್ಣನಿಗೆ ಆಫರ್ ಮೇಲೆ ಆಫರ್ ಕೊಡುತ್ತಿದ್ದಾರೆ. .ಅತಿಥಿ ಪಾತ್ರ ಮಾತ್ರವಲ್ಲ ಹೀರೊ ಆಗಿ ಕೂಡ ನಟಿಸುವಂತೆ ನಿರ್ಮಾಪಕರು, ನಿರ್ದೇಶಕರು ಕೇಳುತ್ತಿದ್ದಾರೆ. ಈಗಾಗಲೇ 'ಕ್ಯಾಪ್ಟನ್ ಮಿಲ್ಲರ್' ಎನ್ನುವ ಮತ್ತೊಂದು ತಮಿಳು ಚಿತ್ರದಲ್ಲೂ ಶಿವಣ್ಣ ನಟಿಸಿದ್ದಾರೆ. ಇತ್ತೀಚೆಗೆ ತೆಲುಗಿನ 'ಕಣ್ಣಪ್ಪ' ಚಿತ್ರದಲ್ಲಿ ನಟಿಸೋಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ಇತ್ತೀಚೆಗೆ  ಸೋಷಿಯಲ್ ಮೀಡಿಯಾದ ಸಂದರ್ಶನದಲ್ಲಿ ಮಾತನಾಡಿದ ಶಿವಣ್ಣ. 'ಓಂ', 'ಜೋಗಿ ಬಿಟ್ಟು ನಿಮ್ಮ ನಟನೆಯ  ಬೇರೆ ಯಾವ 5 ಸಿನಿಮಾಗಳನ್ನು ಪರಭಾಷಿಕರಿಗೆ ನೋಡಲು ಸೂಚಿಸುತ್ತೀರಾ ಎನ್ನುವ ಪ್ರಶ್ನೆಗೆ ಶಿವಣ್ಣ, ಚಿಗುರಿದ ಕನಸು, ತವರಿಗೆ ಬಾ ತಂಗಿ, ಗಡಿಬಿಡಿ ಅಳಿಯ, ಕಡ್ಡಿಪುಡಿ, ದೊರೆ ಸಿನಿಮಾಗಳನ್ನು ಶಿವಣ್ಣ ಪಟ್ಟಿ ಮಾಡಿದ್ದಾರೆ. 

 ತಮ್ಮ ಸಿನಿಮಾಗಳಲ್ಲಿ ಆಲ್‌ಟೈಮ್ ಫೇವರಿಟ್ ಯಾವುದು ಎನ್ನುವ ಪ್ರಶ್ನೆಗೆ ಶಿವಣ್ಣ, "ನನಗೆ ಯಾವುದು ಆಲ್‌ಟೈಮ್ ಫೇವರಿಟ್ ಸಿನಿಮಾ ಅಂತ ಇಲ್ಲ. ಅಪ್ಪಾಜಿ ನಟಿಸಿದ ಸಾಕಷ್ಟು ಸಿನಿಮಾಗಳು ಇಷ್ಟ. ಅದರಲ್ಲೂ 'ಕಸ್ತೂರಿ ನಿವಾಸ' ಬಹಳ ಇಷ್ಟ ಎಂದಿದ್ದಾರೆ. ನನ್ನ ಸಿನಿಮಾಗಳು ಅಂತ ಬಂದ್ರೆ 'ಚಿಗುರಿದ ಕನಸು' ನನ್ನನ್ನು ಕಾಡಿದ ಸಿನಿಮಾಗಳಲ್ಲಿ ಒಂದು ಎಂದಿರುವ ಅವರು ಕಾರಣವನ್ನು ಕೂಡ ವಿವರಿಸಿದ್ದಾರೆ. 

"ಚಿಗುರಿದ ಕನಸು ಸಿನಿಮಾ ಪದೇ ಪದೇ ಕಾಡುತ್ತದೆ. ನನಗೆ ನಮ್ಮ ಕುಟುಂಬದಲ್ಲಿ ಅಪ್ಪನ ಕಡೆಯವರು ಅಮ್ಮನ ಕಡೆಯವರು ಎಲ್ಲರನ್ನು ಬಹಳ ಹಚ್ಚಿಕೊಂಡಿದ್ದೆ. ನನಗೆ ಅಪ್ಪಾಜಿ ಹಳೇ ಕಾಲದ ನೆಂಟರು ಗೊತ್ತು. ನನಗೆ ನಮ್ಮ ಮೂಲವನ್ನು ಹುಡುಕುವುದು ಬಹಳ ಇಷ್ಟ. ಅದೆಲ್ಲ ನನಗೆ ಆಸಕ್ತಿ ಹೆಚ್ಚು. ಚಿಗುರಿದ ಕನಸು ಚಿತ್ರದಲ್ಲಿ ಅಂತಹ ಅವಕಾಶ ಸಿಕ್ತು. ಹಾಗಾಗಿ ಆ ಸಿನಿಮಾ ನನಗೆ ಬಹಳ ಆಪ್ತ" ಎಂದಿದ್ದಾರೆ. '